El ventasc l'è balcaa guarda, e la béola
la redrizza i sò frasch. La pobbia intant
di sò foeui, trèmola, l'esebiss l'argent.
L' onisc el se quietta,
sentor de fen e de letamm.
On parpaìn smòrt
e 'na brancada de moschitt
ingarbiaa ai cavei del sàris
fann l'altalena.
Su la sces on ragn
l'ha finii la soa tela,
el spetta.
Se requia,
vesper e poeu, la sera.
... Anca per mì.
(PINA DE MARCHI DELL'ACQUA)
Nessun commento:
Posta un commento